Kniven på strupen - roman

Tre menneske i eit kapra helikopter på veg bort frå industristaden Lovra. Ein skokk notabilitetar ved opninga av eit nytt forretningssenter i Oslo. Usynleg, men prangande finans. Tankfart og narkotikatrafikk. Med det internasjonale finans- og mediesamfunnet som bakteppe har Kjartan Fløgstad skrive ein roman med spenning, driv, satire og stor poesi. Romanen kan også lesast som eit underfundig framhald av meisterverka Dalen Portland og Fyr og flamme. «Vår kanskje største nålevende romanforfatter har igjen skrevet en bok som imponerer ...» Terje Stemland, Aftenposten«Dette er i sannhet et overflødighetshorn av en roman, full av gale og spreke vendinger ... en strålende bok og et lykketreff av en roman.» Line Baugstø, DagbladetKjartan Fløgstad (f. 1944) har gitt ut dikt og gjendiktingar, prosastykke og forteljingar, romanar, essay og dokumentarbøker, bl.a. Dalen Portland (1977), Fyr og flamme (1980), Det 7. klima (1986), Kron og mynt (1998) og Sudamericana (2000). Fløgstad har dessutan blitt tildelt ei rekkje litterære utmerkingar, som til dømes Nordisk Råds litteraturpris, Brage-prisen og Gyldendal-prisen.