Alfred Bamse på sjukehus

Det starta med ei flis i poten og enda med eit langt og lærerikt sjukehus-opphald. Denne gongen har nemleg Alfred Bamse og manager Kurt Rutledal bestemt seg for å finne ut korleis eit sjukehus fungerer. Med tittelen kosolog, spesialsydde sjukehuskle og legeveske er Alfred klar for nye utfordringar: Er det så skremmande og farleg på sjukehus, slik som mange både born og vaksne er redde for? Kva betyr eigentleg dialyse, diabetikar, kateter, klyster og bekken og mange andre rare ord? Og kven er det som jobbar på eit sjukehus? Er det berre legar og sjukepleiarar? Alfred har mange spørsmål, og gjennom boka får han mange svar og vert godt kjend med fleire av dei som har sjukehuset som arbeidsplass. Bli med Alfred Bamse i møte med legar, sjukepleiarar, portørar, ambulansesjåførar, kokkar, terapeutar, elektrikarar og mange, mange fleire.