Utkantkvinne - tolv kvinnehistorier frå Nord-Trøndelag

Denne boka er ein del av den norske kvinnehistoria frå mellom- og etterkrigstida, fortalt av 12 kvinner frå Nord-Trøndelag, mellom åttitre og hundre år. Dei er alle oppvaksne på landsbygda, i eit heilt anna Norge enn det vi kjenner i dag. I løpet av livet sitt har dei opplevd endringar i samfunnet som er større enn kanskje nokon andre i vårt land har vore med på. Dei 12 kvinnene har nokså ulik bakgrunn. Mange har likevel vore knytte til jordbruket, gjerne i tillegg til anna arbeid. Dei har også gjort ein stor innsats i frivillig arbeid rundt om i nordtrønderske bygder. Dessutan har arbeidet i heimen tatt mykje av tida deira. Vi - forfattar Liv Marit Idsø og fotograf/formgjevar Renate Giskås Brønstad - har hatt stor glede av å bli kjent med desse kvinnene. Boka er støtta av Nord-Trøndelag fylkeskommune, og av fleire frivillige organisasjonar i fylket.