---

Om Sorg

I gjennomsnitt døyr det 112 menneske kvar dag i Noreg. Gamle, unge, av alderdom eller eige val, ulukker eller sjukdom. Sorg er noko me alle opplever fleire gonger i løpet av livet. Likevel er det vanskeleg å snakke om. Det er vanskeleg å seie at ein er lei seg - og det er vanskeleg å vite kva ein skal seie til den som er lei seg. Kristian Fjellanger har skrive ei lita bok om nettopp det å vere lei seg. Om kva som skjer inni hovudet, kva som skjer med kroppen og kva som skjer når alle andre har gått vidare og du berre er ein klump med vondt. Han fortel også om møter med gravferdsbyrå og helsevesen. Og for å røpe slutten: Ein dag kjem du til å bli glad igjen.