Boka oppsummerer kunstnaren Britt Smelvær si verksemd når ho i 2005 fyller 60 år. Ho vaks opp i industribygda Årdal, men etter utdanning innan veving, flytta ho til København. Ho har likevel halde god kontakt med norsk kunstliv - både gjennom mange utsmykkingsoppdrag og ein periode som professor ved Kunsthøgskolen i Bergen. Boka viser at Smelvær sin trong til utforsking og utprøving har vore svært stor. Ho har såleis gitt bidrag til å utvide omgrepet tekstilkunst. Boka er et praktverk, rikt illustrert med over 150 bilete. Alle tekstar er omsette til engelsk.