Med avslørande detaljar frå den nyare og høgaktuelle historia, sett inn i perspektivrikt lengdesnitt, gir boka eit europeisk bakteppe for å gripe den særeigne språklege, kulturelle, økonomiske og industrielle utviklinga som ligg bak den katalanske sjølvstendekampen. Ny ideologi, nye impulsar i kunst, arkitektur og litteratur har i regelen komme til Spania via Catalonia og spesielt hamnebyen Barcelona, og I fleire hundreår har det eksistert ein påfallande skilnad mellom det konservativt sentralistiske Madrid og det kulturelt og samfunnspolitisk langt meir liberale nordaustre hjørnet av den iberiske halvøya. Johannes Nymark syner korleis denne motsetninga opp gjennom hundreåra har prega kultur og framom alt språk, men også handel, industri og anna næringsliv. I eit eige kapittel skildrar han kor sentral ei rolle fotballklubben FC Barcelona har spelt som aktør og symbol i denne sjølvstenderørsla.