Dette er andre band i serien Fartøyhistorie frå Halsnøy, Fjelberg og Valen – bøkene for deg som er interessert i fiske- og fraktebåtar i dette området frå 1900-talet og fram til i dag. Arild Engelsen frå Tønsberg har i mange år registrert og dokumentert fakta om rundt 500 av dei motoriserte fartøya som har vore i drift her opp gjennom tidene. Dette omfattande arbeidet gav grunnlaget for begge bøkene. Så langt det har vore mogleg følgjer vi mange av båtane frå «vogge til grav», frå dei blei bygde til dei blei kondemnerte eller tekne ut av teneste av andre grunnar.

Forutan spesifikke omtalar og bilete av mange båtar, inneheld begge bøkene reportasjar og intervju med folk som har vore knytte til fiske og transport med ulike fartøy i alle år. Spesielt fiske var ofte ei viktig attåtnæring til små og lite lønsame gardsbruk, og det forklarer langt på veg kvifor det opp gjennom tidene har vore så mange fartøy i drift i vårt område.

I tillegg finst mykje anna historisk materiale i desse praktverka.

Bøkene dokumenterer lokal kysthistorie og -kultur på ein framifrå måte, og er eit godt oppslagsverk for ein kvar som er interessert i det maritime miljøet i regionen.