Kjærleiken finst i like mange former som livet sjølv, og i denne boka får du ulike versjonar. Du får høyre om ein vellukka kontaktannonse, eit massebryllaup i Seoul, den stille varmen mellom to som har vore saman i over 60 år, panget då Farhan møtte ei dame, dei unge jentene som lengtar etter noko som ein gong skal kome. I samtale med journalist Sigri Sandberg Meløy fortel 20 heilt vanlege og heilt unike menneske om sine draumar, forventningar og erfaringar. Saman kastar dei ut store spørsmål - finst det nokon svar?