Ein sindig gardbrukar og rekneskapsmann frå Gudbrandsdalen har gjennom eit langt liv vore oppteken av den usynlege dimensjonen.

- Eg må finna klårleik og meining. Eg må læra meir, så lenge eg lever.

Dette er noko av bakgrunnen for desse korte stykka . frå ei livslang læretid.

Sigmund Ihle gir lesaren innblikk i ei kjempande tru. Han har funne at når vi verkeleg får sjå at trua er ufortent og av nåde, då blir vårfargane og fuglesongen vakrare, sommaren blir lengre og vinteren mildare. Om hausten ligg vona der om ein ny vår.