Med desse utvalde novellene, fylde av kjærleik og lengt, kjem Aino Kallas på norsk for første gang. Aino Kallas (1878-1956) blei fødd inn i den finske Krohn-slekta, ein særs intellektuell familie. Ho debuterte som 19-åring med poesi. I 1900 gifta ho seg med Oscar Kallas, den estiske folkeminnegranskaren og diplomaten, og flytta med han til St. Petersburg. Det var under namnet Kallas at ho vart verkeleg kjend som forfattar. Livet hennar romma òg mykje sorg, ikkje minst etter andre verdskrigen. Gjennom alle år og omskiftingar skreiv ho. Og det var det estiske stoffet ho nytta i bøkene sine, sjølv om ho skreiv på finsk. Finsk og estisk høyrer til same språkgruppe, men bøkene vart omsette til estisk og til fleire andre europeiske språk. Særmerket til Aino Kallas som forfattar er at ho blandar skjønnlitteratur, mytisk stoff, folkedikting og den munnlege tradisjonen. Aino Kallas (1878-1956), er ein berømd finsk forfattar.