Ragnhild, ordførar i ei vestlandsbygd, har funne ut at grantrea som veks på ei øy, skal bort -som juletre til Afrika. Den russiske verftsarbeidaren Pavel blir leiar for fellinga. Med seg får han innflyttaren Helge, forteljaren i romanen, ein engsteleg og inntrykksvar mann som slit med å meistre kvardagen. Men som kompanjongen til Pavel blir han del av eit komisk heltepar som dumpar bort i mangt og mykje av stort og smått. Når Helge finn ut at det var bestefar hans som eigde øya med grantrea, finn han og ut kva slag planar ordføraren har for hogstfeltet. "Juletre til Afrika" er ein underfundig og språkleg oppfinnsom forviklingsroman med mangfaldige allusjonar til film, musikk og litteratur.