Kva er humor? Ifølge ordboka er det definert som "sans for det komiske". Ein meir vitskapeleg definisjon av humor er ei stimulering av sanseapparatet som set i gang latterrefleksen. Men både sansen for det komiske og latterrefleksen er ulikt utvikla frå person til person. Difor er humoren individuell. Det somme kallar for humor, er for andre berre noko sprøyt. Likevel er det forfattaren si von at lesaren skal finne eitt og anna å dra på smilen av i denne boka, eller aller helst opne latterdøra. For som det heiter i ordtaket: "Ein god latter forlenger kjeften."