Miniatyrlesingar - 19 tekstar om litteratur

«Forfriskende og annerledes om lesing og litteratur.» Dagbladet Miniatyrlesingar er 19 korte essays om små utdrag frå skjønnlitterære tekstar. Dei som blir miniatyrlesne er mellom andre Sharon Olds, Helle Helle, Lydia Davis, Kjartan Hatløy, Gro Dahle, Anne Carson, Olav H. Hauge, Sissel Solbjørg Bjugn, Sonja Åkesson, J. M. Coetzee, Jørn H. Sværen, Joy Williams, Catharina Gripenberg og Gustave Flaubert. Det inste, minste, men også største spørsmålet miniatyrane stiller, er «kva er litteratur?». «Mellom konseptet eg og ordet «eg» ligg eit heilt hav og skin», påstår ein tekst. Det kan handle om å vere personleg gjennom det tilsynelatande, eller om det vil gagne samfunnet med forsiktige forfattarar, og - ikkje minst, om korleis eit lite dikt kan drønne i ditt eige hjarte.