Komlelandet - ei reise i raspeballen sitt kokevatn

Komler, komper, ball, raspekaker, potetball, klubb, blandaball, dirty snowballs. Denne matretten har ein viktig plass i hjarta til mange nordmenn. Kjartan Brügger Bjånesøy har reist på kryss og tvers i raspeballen sitt kokevatn, på leiting etter kva som gjer komla eller raspeballen så spesiell. Frå sør til nord blir det servert komler på restaurantar, ferjer, kafear og hotell. Og kvar uke forsvinn nordmenn inn i komlekoma etter å ha ete for mykje. Når blei komle ein matrett? Finst retten berrre i Norge? Kva et ein til komla? Skuldast kjærleiken til komla rein matglede, eller handlar det om identitet og nostalgi? Bli med forfattaren på ei reise til stader som Brooklyn og Baltikum, Stavanger og Slependen, Bryne og Bergen, Farsund og Kristiansund. Resultatet er ei bok full av humor, klokskap, gode forteljingar og oppskrifter.