Dei gav oss ein arv - verdsarv : vestnorsk fjordlandskap

Dei gav oss ein arv er boka om verdsarven Vestnorsk fjordlandskap, som femner to av våre villaste og vakraste fjordar, Geirangerfjorden og Nærøyfjorden, med strender og grender, fossar og fjell. Det var sommaren 2005 at Vestnorsk fjordlandskap vart innskrive på UNESCO si verdsarvliste, og fekk status som arv av særskild stor universell verdi. Boka Dei gav oss ein arv, som har fått tittelen sin etter ei Ivar Aasen-strofe, er ei vakker og viktig bok for alle som ønskjer å vite litt meir om det mangfaldige landskapet rundt verdsarvfjordane: naturen, kulturen, tradisjonane, folket, forventingane, utfordringane.