Kvifor er det tamrein i Trollheimen medan det er villrein i fjella omkring? Var det villrein i Trollheimen i gamle dagar, og når vart han borte? Har det alltid vore samar i Trollheimen, og kva for historie har dei?

Desse spørsmåla har skapt konfliktar og ført til fleire rettsaker. Mange har forsvara tamreindrifta, medan andre har meint at Trollheimen skulle vore eit villreinområde. Nils Røv prøver i denne boka å svare på desse vanskelege spørsmåla.

Sjøl om reinen er hovudtemaet, ser vi også på andre ting i Trollheimen: istidsspor, minne etter steinalderfolk, gamle fangstmetodar, seterdrift, fjellvandring m.m.