Ordboka byggjer på Ordbog over det norske Folkesprog, som kom ut første gong i 1850, men tilfanget er auka frå 25.000 til 40.000 ord. Ordboka har oppslagsformer og bruksdøme i det nyreiste landsmålet ved sida av systematiske opplysningar om utbreiing og uttale i målføra. Første delen legg hovudvekta på Aasens arbeid med manuskriptet, særleg i åra 1869-73 og på utgåvene frå 1900-talet. Andre delen gjer greie for redigeringsprinsipp og typografi i den nye utgåva.