Denne boka er vigd fiskeriøkonomisk forsking, med artiklar skrivne av medarbeidarar ved og samarbeidspartnarar til SNF. I 1953 vart det etablert eit professorat i fiskeriøkonomi ved NHH, det første i sitt slag ikkje berre i Noreg, men i heile Europa. På dei 50 åra frå 1953 til 2003 har Senter for fiskeriøkonomi ved NHH/SNF utvikla seg til å bli eit av dei fremste internasjonale miljøa innan fiskeriøkonomi. 50-årsjubileet gjer det naturleg at eit kapittel gjev eit historisk oversyn over fiskeriøkonomi som fag ved NHH og seinare SNF. Dei andre kapitla tek opp sentrale og dagsaktuelle tema som strukturutvikling i flåten, organisering av omsetnaden av fisk, verdikjeda for fisk, sentrale marknadsspørsmål og - til slutt - ein analyse av framtidig utvikling av marknadene for sjømat.