Andre andre andre andre andre øvingar er bok nummer seks i serien. Den fyrste boka, Øvingar, kom i 1994. Andre andre andre andre andre øvingar held på mykje av det handlingsretta som me fann i Andre andre øvingar (2012), samstundes som undersøkingane av tid, rom og plassering i dei siste Om noko-bøkene har sett sine spor i denne boka – som i mykje anna arbeid i den siste tida. Kurt Johannessen (f.1960) er ein bildekunstnar som arbeidar hovudsakleg med performance og kunstnarbøker. Han gir ut og produserer sine eigne bøker. Den fyrste kunstnarboka kom ut i 1984. I 1999 oppretta han sitt eige forlag, Zeth Forlag. Mange av hans bøker er tekstrelatert, men nokre er laga med utgangspunkt i teikningar eller foto. Tekstarbeida er ofte fortellingar på ein setning. Dei er visuelle, poetiske, og til tider humoristiske. Han har så langt laga 143 bøker. I 2013 starta han bokserien Om-noko. Så langt er det kome ut 20 bøker i serien. Mange av dei er grunnlag for ulike performanceforedrag og dei har påverka mykje av han. Desse bøkene ligg i kryssingspunktet mellom filosofi/bildekunst/poesi/vitskap.