Den nye samlinga til Einar Økland er eit hjarteleg møte mellom austen, vesten og surrealismen, mellom natur og kultur, mellom liv og kunst. Lesaren blir førd inn i landskap som er kjent og ukjent på same tid: Naturlandskapet med aurar og fluger, kunstlandskapet med figurar og monument, himmelen med skyer og ein måne som aldri sluttar å fascinere, og dunkle draumelandskap. Vi møter eit undrande, kritisk og oppfinnsamt blikk i tekstane. Med alvor og humor tek Økland oss med gjennom sine landskap og viser oss vår eiga verd gjennom poeten sine auge.