Aldri før har du fått ei slik innføring i skrivne reglar for kva som gjeld og ikkje gjeld i eit bygdesamfunn som her. Ein morgon sit eg-personen på ein deli i Chicago og ventar på avismannen J.J. Rodale. Samtidig tenkjer han på kva som eigentleg hende den dagen i 1924 då heimbygda Årdal fekk to kaffisortar i omløp. Kom verda til Årdal, eller kom Årdal til verda? Krinsereglane er ei alvorleg, men samtidig svært humoristisk bygdekrønike, ein kollektivroman og ein skarp analyse av mellomkrigstida. Edmund Austigard har skrive ein fantastisk debutroman.