Merk mine ord, åleinemor er tredje diktsamlinga til Kristin Auestad Danielsen. Her er dikt om babylukka og babyulukka, om kjærleiksorga, om å vere i den eksistensielle brønnen på sitt mørkaste, om einsemda, om familiedrap, om internett, om åleinemora i dusjen og på plenen, om dei vakre åleinemødrene i kjellarleilegheitene. Her er dikt om 22. juli og Gunvor Hofmo, om mannelengt, om lagnaden, om fallet, om bilkøyring, om flåtar og om det raude litle skitne hjartet. Her er dikt om barnedrap, om sommardøden og om fuglane som syng så skummelt om våren.