I dei siste tiåra har det kome for dagen uvanleg mange funn i fjellområda på Nordvestlandet. Steinar ligg ikkje lenger berre som steinar. I skar, på fjellryggar og langs gamle trekkvegar trer spor fram etter menneske som ein gong ferdast her, langt frå fjorden, langt frå kysten, langt frå dei stadene historia vanlegvis tek til.

Boka dokumenterer eit omfattande materiale, peikar på samanhengar som til no har vore lite utforska, og inviterer lesaren med inn i eit landskap der mykje framleis er ukjent. Kva kan dette fortelje oss om menneskeleg aktivitet i fjellet i Noreg? Kan desse nye funna endre på korleis vi forstår fortida?