Dus soaitá jurdda čálligoahtit romána, muhto it dieđe mo ja gokko galggat álgit. Juohkehaččas lea iežas vuohki mo čálligoahtit. Jus dárbbašat veahki čállimii, dahje háliidat dárkkistit čuovvu go du mánus romána dovdomearkkaid ja čállingoansttaid, de lea dá ávkkálaš girji dutnje.

Mun dat gal čálán girjji lea rávagirji sihke easkkaálgi ja maiddái hárjánan románačálliide. Romána čállingoansttat leat buorit bargoneavvut, maid čálli sáhttá geavahit iežas teavstta huksema oktavuođas. Maiddái čállinproseassas leat minstarat, ja daid galgá girječálli dovdat ja dohkkehit, dasgo daid son geavaha čáledettiin.

Muhtin čállit liikojit álggahit girjji čállima leavttuin jurddaškeahttá čállingoansttaid, nappo minstariid. Nuppit čállit ges plánejit dárkilit, ráhkanit bures teavstta huksenbarggu ja heivehallet sihke girjji olbmuid ja sin máilmmi. Mo dal čálli álggaheaš girjjistis, de dat vuolgá das, mo son liiko bargat.