Herr Jemini er heldig - uansett kva som skjer. Ved første augekast kan det sjå ut som om Herr Jemini er ein ulykkesfugl. Han dett ned trappa, mister kofferten sin og snublar i tauet. Men likevel er han heldig. Uhella fører til at han finn att nøklane sine, får seg ein ny dress og ser ein vidunderleg flott fisk. Han synest han er ganske heldig. Herr Jemini inspirerer barn til å sjå det positive i ein kvar situasjon. Dei små hell-i-uhell-historiene vert levande gjennom fantasifulle illustrasjonar. Boka er universell og gir leseglede til heile familien. Der dei minste har moro med å telje, kan eldre barn lære å sjå det positive i kanskje litt uheldige situasjonar.