Maja og Even kranglar alltid, og i dag er ikkje noko unntak. Even utfordrar Maja til å gå inn i det skumle, forlatne og berykta huset på haugen. Alle snakkar om at det spøkjer der, og ingen torer å nærme seg. Kva skal ho gjere? Går ho ikkje inn, kjem alle til å seie at ho er ei pingle. Men kva skjuler seg eigentleg bak dørene til det skumle huset på haugen? Torer ho å gå inn, tru? Anette Skarsbø (f. 1986) er oppvaksen på Systrond i Leikanger kommune, men er no busett i Sogndal saman med dotter si og sambuaren sin. Ho jobbar som lærar, og har norsk og engelsk som spesialfelt i skulen. Huset på haugen er hennar andre barnebok.