Den sjuprikkete marihøna Målfrid misser ein dag ein av prikkane sine. Ho kan ikkje flyge vidare med berre seks prikkar. Kvar er den blitt av? Er den høgt eller lågt? Oppe eller nede? Over eller under? Heldigvis møter ho snutebilla Sindre som er flink til å leite. Vil dei to saman klare å finne att prikken til Målfrid?

Solfrid Maria Kleppe (f. 1971) er utdanna adjunkt, har lang erfaring som lærar i barneskulen og har alltid vore eit skrivande menneske. Bøker står  hjartet hennar nær. I dag jobbar ho som miljøterapeut og forfattar. Ho bur på Hareidlandet, ei øy sør for Ålesund.

Audun Roe Grimstad (f. 1971) er utdanna grafisk designar og har lang erfaring frå reklame- og kommunikasjonsbransjen. Han har teikna sidan han var liten og jobbar i dag som kommunikasjonsrådgivar. Han teiknar også på fritida og bur i Oppegård.