Dette er boka om Tuva; ei ganske vanleg, litt sjenert jente i tolv-trettenårsalderen. Ho har problem med kva ho skal ha på seg. Ho har ei bestevenninne, og ho har tankar om gutar og slikt. Ho har ein storebror som er litt plagsam, og litt grei. Ho vil bestemme kva ho sjølv likar, og kven ho vil vere venn med. Ho synest ho er større enn far seier, og at somme ting er vanskeleg å lære, medan andre ting er ok. At mor og far bestemmer at dei skal flytte til ein ny stad, synest Tuva er trasige greier, men det er helst i starten. Etter kvart blir det spennande med ny skule, ny venninne og nye interesser. Anne H. Borgund kjem frå ein kystkommune i Sogn og Fjordane, er fødd i 1966 og busett på Vestlandet. Ho er utdanna ved høgskulen i Volda. Tuva er hennar debutbok.