Den første store biografien om den ramsalte spottaren, den folkekjære visediktaren og den vare lyrikaren. Frå debuten i 1929 og i heile etterkrigstida var Sande ein av landets mest populære diktarar, og mytane og anekdotane om den gåverike klokkarsonen, den kvinnekjære sunnfjordingen og festglade diktaren er både fargerike og sjølvmotseiande. Ove Eide gjennomlyser bakgrunnen og den tidvis tragiske livssoga til denne .nynorskens Alf Prøysen., lektoren som drog til sjøs, og som brukte alle sine år i Oslo på å skrive om og lengte heim til sitt vestnorske folk og landskap. Biografien har ei stor mengd foto som ikkje tidlegare har vore publiserte.