Regional konkurransekraft - fjordantologien 2025

Regional konkurransekraft kan definerast på ulike vis, alt etter fagtradisjon og problemstilling. Ein brei definisjon av omgrepet kan vera: Den evna ein region har til å betra leve- og livsstandarden i regionen. Dette inneber at graden av konkurransekraft i ein region er påverka av ressurstilgangen i vid forstand. Døme kan vera tilgang på næringsareal, arbeidskraft, fagkompetanse, utdannings- og forskingsinstitusjonar, helsetenester, fysisk infrastruktur, og historiske og kulturelle verdiar i regionen.

Omgrepet regional konkurransekraft kan famna breitt, og boka tek føre seg tre hovudområde:

Del I handlar om tema knytt til næringsutvikling, samfunnsplanlegging og landskapsarkitektur.

Del II går i djupna på reiselivsnæring

Del III tek føre seg regional konkurransekraft med utgangspunkt i utdanning og kultur.

Bidraga i denne antologien viser at omgrepet regional konkurransekraft er mangfalding. Det kjem fram at å styrka den regionale konkurransekrafta krev ei heilskapleg og strategisk tilnærming som involverer både offentlege og private aktørar. Dette inkluderer mellom anna investering i utdanning, kultur og samfunns- og næringsutvikling.

Fjordantologien 2025 er eit resultat av Fjordkonferansen 2024. Fjordkonferansen har blitt arrangert kvart år sidan 2013.