Ekstremt naturleg = Extremely natural

Få arrangement trekkjer så mange folk tilVoss som Ekstremsportveko. Folk strøymer til bakkane og bøane rundt bygda, til butikkane, til utestadene, til hyttene - dei kjem med buss, bil og tog frå utland og innland til ei av dei finaste bygdene på Vestlandet og til den sprekaste festivalen i heile Noreg! Dette er tiande året Veko går av stabelen og det fortener ei bok! Boka fortel om 10 år med våghalsar, elleville stunt og eksotisk mat med naturen som ramme rundt det heile. Boka er spekka med flotte bilete av hendingar, utøvarar, folk, musikarar og Vossamat. Boka er utgitt i samarbeid med Veko og inneheld intervju, tilbakeblikk og matoppskrifter. Boka har både norsk og engelsk tekst.