Med årets diktsamling "Missa", samlar Knut Ødegård trådane frå dei to samlingane "Kinomaskinist" (1991) og "Buktale" (1994) og legg dei mørke og destruktive kreftene i mennesket inn i den katolske messa - som speglar seg ut i eit rom med plass for alt menneskeleg. Sjølve messa er ei rørsle i to retningar; frå det menneskelege til det guddomelege, og frå det guddomelege og til det menneskelege. Her finn dei mørke røynslene og dei splintra opplevingane svar i ein større samanheng.