On y va ! er ei alt-i-eitt-bok til fransk 2 for vg1 og vg2. Læreboka har 13 kapittel om ulike tema slik at elevane kan bli betre kjent med Frankrike og den fransktalande verda. Boka inneheld gloser som er nyttige å lære seg for å kunne snakke om temaet som kapittelet handlar om.

Det er to tekstar i kvart kapittel som tek opp ulik grammatikk. Desse varierer i lengde og sjanger. Grammatikken blir presentert kort i kapitla saman med ei eller to oppgåver som gjer at elevane må reflektere sjølv.

Culture-boksar gjev elevane informasjon om kultur og samfunn. I dei første kapitla er desse på norsk, men etter kvart er dei på fransk. On parle en peu er munnlege oppgåver som går att i kvart kapittel. Desse oppgåvene er greie å bruke som repetisjon til dømes før ein prøve eller eksamen. On fait le point er oppsummeringsoppgåver heilt til slutt i kapittelet.

Bak i boka finn elevane ein minigrammatikk og ei liste over uregelrette verb. I tillegg har dei kart over Frankrike og den fransktalande verda i omslaget på boka.