Ei spennande forteljing om ekstremvêr og storflaum, for barn i mellomtrinnsalder. Finn bur på ein campingplass ved ei elv, og når skulen blir stengd på grunn av flaumfare, må han og faren førebu seg på det verste. Kan dei redde campingplassen – og vil dei ha ein heim og ein jobb å kome tilbake til når vatnet har trekt seg tilbake?

Finn klarer ikkje å sitje stille inne medan vassmassane nærmar seg. I lag med den snartenkte venen Jon set han i gang ein redningsplan. Med på laget får dei Vanja, den raskaste og sterkaste jenta i bygda. Dei vil hjelpe til med flaumarbeidet, men elva brusar høgare for kvar time – og plutseleg er flaumen der.

Når naturkreftene tek over og alt står på spel, må Finn og venene vere både modige og smarte. Vil operasjonen verke før det er for seint?