Første bok i den nye fantasyserien VEGANDI Etter eit overfall vaknar Eirik opp utan minne og med ei tatovering på brystkassa. Kven har gitt han dette mystiske merket, og kva vil dei med han? Spora fører av alle ting til dataspelet Reborn, og saman med vennene Khalid og Maria blir Eirik etter kvart dratt lenger inn i spelet enn nokon skulle tru var mogleg. Galderstjerna er ei spennande og actionfylt historie for både ungdom og vaksne, der hardtslåande science fiction møter norrøne mytar i ei fantasyhistorie utanom det vanlege. Asbjørn Rydland (f. 1976) er frå Seim i Hordaland og bur i Oslo. Han blei tildelt både Nynorsk barnebokpris og Fabelprisen for serien om Drakeguten i 2012. Drakeguten vann NM i litteraturformidling.