Heilt sidan Dima kom flyttande til Moldvik frå mottaket, har ho og Jenni vore uskiljelege. No ventar tiande klasse, og Jenni og Dima gler seg vilt. Dei skal feste, dei skal sette opp framsyningar med teatergruppa – og er det ikkje noko ekstra spesielt med Sigurd, den nye guten i klassen? Men heime hos Dima har eit mørke teke plass i faren. Kva er det han ikkje fortel?

Ein dag står ein politibil utanfor huset deira, og verda fell saman. I lag med familien vert Dima send ut av landet. Jenni står knust og aleine att. Korleis kan ho hjelpe bestevenninna si heim?

Ingen kan nå oss er ei medrivande forteljing om sterkt vennskap, om krafta i kunsten og om å freiste å halde fast når ytre krefter vil slite ein sund.