I den tredje forteljinga om dei to gutane frå den vesle bygda i Nord-Noreg, er krigen over og gutane er i ferd med å bli ungdommar.

Den sommaren dei har blitt konfirmert og har fått sin første sommarjobb hos Olsen & Co på Å, kjem det to byjenter til bygda. Rett nok har begge jentene vore der før og må seiast å vere gamle kjenningar. Det verkar berre ikkje slik. Dei verkar så nye og gutane har endra seg også. Interessene deira for eksempel, er annleis enn før. No er det JENTE-tider!