Som ungdom står ein på terskelen inn til vaksenlivet, og det kan vere nyttig å få med seg nokre visdomsord på vegen. Denne boka er inspirert av Håvamål og inneheld 70 visdomsdikt som rører ved ulike aspekt av livsdugleik, medrekna helse og velvære, mat og drikke, fridom, vennskap, økonomi, trivsel, etikk og moral, haldningar og beredskap. Det er viktig å merke seg at dikta ikkje er absolutte sanningar. Lesaren må sjølv vurdere om innhaldet i dikta er relevant og tilpasse dei til sin eigen personlegdom og situasjon.

HERNER SÆVEROT (f. 1966) bur i Morvik saman med kona Ane Malene og barna Aurora, Amandus og August i tillegg til hunden Stitch, medan eldstedottera Mathilde bur på Aspedammen. Sæverot har dedikert heile yrkeskarrieren sin til arbeid med og om ungdomar. Han var lærar på ungdomsskulen i 15 år, og som professor i pedagogikk underviser og rettleier han studentar innan grunnskulelærarutdanninga for klassetrinn 5–10. Livsdugleik og korleis ein kan oppdra til det, har vore hovudspor i forskinga hans, og han har publisert fleire typar sakprosatekstar, dikt og songtekstar om dette temaet.