ARVE. I EIT ANNA LYS

Like før midnatt 23. april 1999 spring indiskadopterte Arve Beheim Karlsen for livet gjennom Sogndal sentrum. Han blir jaga av to jamaldrande gutar mot Sogndalselva. Dei ropar «drep denne negeren». Fleire vitner får med seg hendinga. Dei ser at Arve spring under ei bru med forfølgjarane etter seg. To av vennene til Arve vil hjelpe han. Dei spring også under brua og møter forfølgjarane på den andre sida av undergangen. Men «Arve er søkk borte», som den eine fortel i eit vitneavhøyr til politiet.

I nokre få sekund er Arve ute av syne. 

Kva var det som skjedde desse få sekundane under brua i Sogndal?

Forfattaren Brynjulf Jung Tjønn, sjølv adoptert frå Sør-Korea, var 18 år då Arve blei funnen død i Sogndalselva tre dagar seinare. Dødsfallet gjorde at han plutseleg forstod at ein kunne dø i Norge fordi ein var utanlandsadoptert og mørk i huda, noko som har prega han som person og forfattar i vaksenlivet. For første gong har han fått tilgang til alle saksdokumentene. I denne boka får vi eit unikt innblikk i det siste døgnet til Arve og dei to tiltalte, men også mediadekninga etter at han blir funne død, rettssaka og spora som politiet ikkje følgde opp.

«Guten som sprang. Arve Beheim Karlsen i eit anna lys» er ei medrivande forteljing, ein poetisk dokumentar og ei sterk skildring av kva som skjedde i ettertid.