Jakob Sande - årbok 2010 : Sande på diktarveg

Hovudvekta er lagd på Jakob Sande og fire andre sentrale diktarar langs Diktarvegen - Arne Garborg, Rasmus Løland, Olav H. Hauge og Per Sivle. Artiklane kastar ljos over tema som har vore lite framme i Sande-forskinga tidligare, og dei opnar såleis for nye lesingar og spanande kunnskap om litteraturen til Sande. Her er nærstudiar og presentasjonar av Daniel-motivet, språkhistoriske rammer, poetiske verkemiddel, lyriske framføringar, Likfunn i disseksjonsmotiv, poetiske kjønnsperspektiv, folkekjære og skræmande aspekt og namnereise i Diktarvegen. Dessutan kan vi lese om litterære samband mellom Cornelis Vreeswijk og Sande knytte til to voggeviser.