På Håland veks tistlane opp att, same kor mange gonger dei blir hogde ned.

Einar Håland har stått imot heile livet. No står han åleine att på garden, omgitt av sauer, tistlar, ubetalte rekningar og minne han ikkje slepp unna.

Alt krev sitt: jorda, dyra, banken, slekta, faren, minnet om Berit og det livet som aldri blei slik han hadde tenkt. Under alt ligg skamma, sinnet og sorga som gamle røter i molda.

Når garden byrjar å rakna, raknar også Einar.

Forvaltaren er ein mørk og sanseleg roman om einsemd, skuld og det som går i arv utan å bli sagt.

Torvald Hadland (f. 1967) er fødd og oppvaksen på Hadland i Time kommune. Han er utdanna lærar og jobbar som sauebonde. Forvaltaren er debutromanen hans.