Kvardagsnært alvor og svimlande overdrivingar i eit overflodshorn av ei novellesamling Ein gammal Volvo Amazon køyrer inn og ut av fleire av novellene i denne samlinga, og knyter saman menneske som på ulike vis strevar med å meistre liva sine. Her er gutar på plommeslang og halvgamle menn på bluesfestival, her er kjærleikssvik og kvinner som vaktar sine hemmelege liv. Men som hundar i mørkret stikk andre og viltrare tekstar seg fram og skaper spenn mellom det kvardagsnære og det burleske. Den forbløffande sjølvbiografien til vår fremste politikar dukkar opp, ført i pennen av ein hjelpepleiar ved Valen sjukehus, og her er oppskrifta på stell av både lik og levande menn. Hundar i mørkret er eit overflodshorn av ei novellesamling, skriven av ein forfattar som kan kunsten å kombinere vill humor og det djupaste alvor på ein måte han er åleine om i den norske bokheimen.