Sárá, Sunná, Ovllá ja János leat iehcanassii ruovttus go juoga coalkkeha uksii. Sii gullet olbmuid olggobealde. Olggobealde leaba kránnjá áhkku ja politiija. Kránnjá áhkku muitalii ipmasa birra mii sutnje dáhpáhuvai mannan ija. Son lei ballán ja danin canai visot uksageavjjaid báttiin gitta, go lei nu sihkar ahte muhtin boahtá ihkku. Son bijai veahcira uksageavjja ala, vai veazir gahccá láhttái ja son geargá njuiket glássaráigge olggos ja viezzat veahki.