Lettlest og humoristisk for ferske lesarar

Det er mykje som tyder på at Ulrik F. Oma lever på feil planet. I klassen er det ingen teikn til intelligent liv, og heime er alt kaos. I tillegg får bølla Bob Ulrik til å føle seg som søppel.

Men ein kveld suser eit mystisk sikksakklys over himmelen. Neste dag begynner ei jente med uvanlege talent i klassen. Kven er ho? Kan Ulrik få seg ein ven? Og blir Ulrik nokon gong klar til å ta opp kampen med Bob og dei andre på skolen?

«Alien i klassen» er ei bok for alle som ein gong har vore aleine, alle som liker teikningar betre enn vanskelege ord og alle som lurer på om det finst liv i verdsrommet. Og det er vel dei aller fleste ...

«Dette er ei 'Put your hands in the air'-bok. Ei bok å juble for. ... den vellukka kombinasjonen av kreativ overflod i ein stram, lettlesen form gjer at ein skulle ynskje ein fekk vere statsminister for ein dag. Då skulle Alien i klassen leggast i sekken til kvar einaste førsteklassing når klokkene no snart ringer for dei.» Janne Karin Støylen, Bergens Tidende (Fem av seks hjerter)