Katastrofedagbøkene er ein humoristisk og spennande bokserie for barn frå seks år og oppover. Serien følger ni år gamle Samson, som stadig hamnar i trøbbel sjølv når han meiner det godt. Med fart, humor og akkurat passe actionfylt spenning treffer bøkene mange av dei nyaste lesarane.

Samson har gledd seg i fleire veker til at søskenbarnet Storm skal komma på besøk. Men når han kjem, blir ingenting slik Samson hadde tenkt. Kvifor vil ikkje Storm leika med han lenger? Dei som tidlegare har vore så gode vener, og no vil Storm berre henga med Kim og Vilde? Det gjev ikkje meining. Heile helga blir berre dum. Til slutt bestemmer Samson seg for å gjera noko med det sjølv, akkurat medan det held på å blåsa opp til snøstorm. Det blir heilt katastrofe!