---

Om Forvandlinga og andre forteljngar

Franz Kafkas Forvandlinga og andre forteljngar i nyomsetjing av Jon Fosse er starten på ein ny klassikarserie med verdslitteraturens viktigaste verk i ny nynorsk språkdrakt. Franz Kafka (1883-1924) vert sett på som ein av dei mest vesentlege forfattarane på 1900-talet, og verka hans er ein uomgjengeleg del av verdslitteraturen sin kanon. I dag er Kafka den mest lesne tyskspråklege forfattaren i verda. Kafka sin langnovelle Forvandlinga (1915) vert sett på som eit av dei mest nyskapande skjønnlitterære verk i det 20. århundre. Novella handlar om den handelsreisande Gregor Samsa som åleine må forsørge familien. Ein dag vaknar han og har blitt til eit insekt. Innesperra i rommet sitt vert han meir og meir isolert og den først ganske så omsorgsfulle systera vender seg etter kvart også frå han, før han til slutt, forbanna og einsam, sovnar inn. Den nye utgivinga inneheld i tillegg til Forvandlinga tre av dei mest kjende forteljingane til Kafka, og dei Jon Fosse tykkjer mest om: Dommen, Ein landsens lækjar, Framfor lova og Ein draum. Forteljingane vart i 1920 utgjevne av Kafka sjølv i samlinga Ein Landarzt.

"Det er en fornøyelse å lese Franz Kafkas Forvandlinga og andre forteljingar i Jon Fosses fortreffelige språkdrakt." (Fredrik Wandrup, Dagbladet) "Ei av årets beste bøker. Kanskje endå betre enn romanane er dei korte tekstane hans, som dei fem Jon Fosse har samla her og omsett til eit vakkert nynorsk." (Eirik Lodén, Stavanger Aftenbladet) "Dette er den perfekte julegaven til alle som er glade i vakkert språk og vakre bøker, og som heier på nynorsk." ( Anne Beathe Kristiansen Tvinnereim, nestleder i senterpartiet) "Kanskje høstens lekreste bok. En bok man får lyst til å ha.Fosses Kafka er, på sitt vis, både moderne og vital." (Knut Hoem, Nrk kulturhuset) "Det er spennande, krevjande og uvant. Og det er, som Fosse uttrykkjer det, også målreisingsarbeid av beste slag." (Paul Odland, Dagen)